Аймгийн төвөөс алслагдсан багийн иргэдэд эм зүйн тусламж үйлчилгээг ойртуулах, хүртээмжийг нэмэгдүүлэх зорилгоор Эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрлийн комиссын 2022 оны 3 дугаар хуралдаанаар “Арвижих цагаан тан” ХХК-ийн “Арвижих тан” нийтийн үйлчилгээтэй 2 дугаар зэрэглэлийн эмийн сангийн үйл ажиллагаа эрхлэх зөвшөөрлийг хэлэлцэн шийдвэрлэж, Аймгийн Засаг даргын 2022 оны А/702 дугаар захирамжаар тусгай зөвшөөрлийг олгож, 2023 оны 01 дүгээр сараас үйл ажиллагаагаа явуулж эхэллээ.
Тус эмийн сан нь тухайн алслагдсан багийн 5800 гаруй иргэнд даваа-бямба гаригуудад 09-19 цагийн хооронд эм зүйн тусламж үйлчилгээг эмийн сангаар үзүүлэх бөгөөд нэн шаардлагатай тохиолдолд багийн харъяаллын айл өрхүүдэд оройн цагаар /жороор олгох эмийг зөвхөн эмчийн бичсэн жорын дагуу / хүргэлтийн үйлчилгээг үзүүлж ажиллана.
Аймгийн төвөөс алслагдсан 1 дүгээр багт эмийн сангийн үйл ажиллагаа явуулж эхэллээ.
