Аймгийн Засаг даргын 2017 оны А/58 дугаар захирамж, аймгийн эдийн засаг, нийгмийг 2017 онд хөгжүүлэх үндсэн чиглэлд тусгасны дагуу алслагдсан нутгийн иргэдэд эмнэлгийн тусламж, үйлчилгээг хүргэх "Явуулын эмнэлэг" 9 дүгээр сарын 11-нээс эхлэн хөдөөгийн 13 суманд хуваарийн дагуу ажиллаж байна.

Жил бүрийн 5, 10 дугаар сард орон даяар дархлаажуулалтын 10 хоногийг зохион байгуулдаг билээ.

Энэ удаагийн дархлаажуулалтын 10 хоногийг 2017 оны 10 дугаар сарын 16-26-ны өдрүүдэд “Томуугийн эсрэг дархлаажуулалт” уриан дор зохион байгуулж байна.

Энэ жилийн онцлог нь архаг болон суурь өвчтэй хүн, өндөр настан, жирэмсэн эмэгтэйчүүдийг томуугийн вакцинд үнэ төлбөргүй хамруулах ба манай аймагт 2200 хүн тун вакциныг өрх, сумын эрүүл мэндийн төв, сум дундын эмнэлгүүдэд хуваарилаад байна.

Алслагдсан нутгийн иргэдэд төрөлжсөн мэргэжлийн эмч нарын тусламж үйлчилгээ үзүүлэх явуулын эмнэлэг батлагдсан хуваарийн дагуу сумдад ажиллаж байна. 
Хүүхэд, эх барих эмэгтэйчүүд, дотор, мэдрэл, чанд авиан шинжилгээ, шүдний эмч нарын баг Баян-Уул суманд 10 дугаар сарын 5-6-ны өдрүүдэд ажиллаж, нийт давхардсан тоогоор 567 иргэдэд эмнэлгийн тусламж үйлчилгээг үзүүллээ. 
Явуулын эмнэлэг 10 дугаар сарын 09-нд Халхгол суманд ажиллахаар явлаа.

Эрүүл мэнд спортын сайдын 2016 оны 147 дугаар тушаал, 2017 оны Аймгийн Засаг даргын А/58 дугаар захирамж, аймгийн эдийн засаг нийгмийг 2017 онд хөгжүүлэх үндсэн чиглэлд тусгасны дагуу алслагдсан нутгийн иргэдэд эмнэлгийн тусламж, үйлчилгээг хүргэх "Явуулын эмнэлэг"-ээр хүүхэд, эх барих эмэгтэйчүүд, мэдрэл, чанд авиан шинжилгээ, шүдний төрөлжсөн мэргэжлийн эмч нарын баг Цагаан-Овоо суманд ажиллаж, давхардсан тоогоор нийт 581 иргэдэд урьдчилан сэргийлэх үзлэг хийж, эмнэлгийн тусламж үйлчилгээг үзүүлсэн нь сумын иргэдийн талархлыг хүлээгээд байна.